احمد الزايدي
سلام يامنتدى يجمع ثقات الرجـال=شعار والمعرفه هـي زاد شعارهـا
والشاعر اللي يجيد الفتل قدمه مجال=يفتل وينقض بيوت الشعر واشعارها
شاعر المشاعر
حييت يالزايدي والشعر مضرب مثال=حنـا الفطاحـل ورمـز العـز وشعارهـا
النقض والفتل موجود ٍ على كل حـال=دار الفـطـاحـل تـمـيّـزهـا بـشـعّـارهـا
احمد الزايدي
الله يبقيك وأنته باقـي (ن) لاتـزال=وانتم رجال الشعر في وسط مضمارها
والفتل والنقض فن فيه صيغة سؤال=واللي يعشق الملاعب خاظ مظمارها
شاعر المشاعر
ولاقـصـور ٍ بحـقـك ياكـريـم السـبـال=رجال الفطاحل تضيّف من لفا دارهـا
والثوب لاهوب لاقاصر ولا هو سبال=وعلم السفينة مع الربـان إليـا دارهـا
احمد الزايدي
من قدم الطيب يارجـال لاشـك نـال=وأهل الشجاعه ياربعي تسرج أمهارها
والطيب يالأجودي ماهوبصعب المنال=وأشيوخنا يالسنافي ختمها أمهارهـا