بالاسابيع الماضيه ادى الاستاذالشاعر الكبير ناصر الهواوي مناسك العمره وكان لي شرف اللقاء به وعند عودته الى ضريه اوصى ابنه عبيد يحفظه الله بقصيده اسماها العتيبه اورد فيها اسمي وهذا هو ردي عليه امل ان تحوز على رضاكم
يامرحبا ماهما وادّانْ وسميه=بالنادر اللي نعزه قدر ونجّله
اكرم هل الطيب وارهاهم شهاميه=والمدح يزهى ولد عمي وكفواّ له
واللي يواصل مع الوافين ياحيه=اله الوفا والمواصل والثنا كلـــه
جمعت كل المكارم يابيض النيــــه=واللي سواتك عسى الايام تمهله
يستاهل العُــود كمبوده وجاويه=والطيّب اللي يروم المجد ويدله
عليه مليون تسليمه ورديـه=وعليه يدخل اشغاف القلب ويحله
ياهاجسي قبل ذيك وقبل هاذيه=سلم على ناصر ابن عبيد ثم قله
لبيوتك اللي من الياقوت منقيه=والا من اغلا الذهب كسيتها حٍله
ردتني لساحل الشعر وشواطيه=لو كان من قبلها ماني بشفق (ا)له
لجل الهواوي تحولنا هواويه=وراه في كل ترحاله وفي حٍله
واصدورنا اوسع من اصدور الشماليه=واهل وفا لو يبور الخل في خله
واسلم وسلم على الربع الشقرديه=واقبل عن النقص عذري دقه وجلـــــه