بسم الله الرحمن الرحيم
االسلام عليكم ورحمه الله وبركاته
اعتذر من الاداره الكريمه وجميع الاعضاء بوضع قصيدتين باقل من يومين ولكن طلب مني اخ عزيز ان اضع لكم هذه القصيده وماحبيت ارده .. والعذر والسموحه
أقـــــووول
وشلون مدري وليفي كيـف ينسانـي
الصاحب الي وصوفـه ميـه الميـه
من شاف حالي ودمعي يـوم خلانـي
الدمع من فـوق خـدي حـد جنبيـه
وشلون ينسى صحيبه مكـرم العانـي
وشلون ينسى الـذي حالتـه مرثيـه
بجيب وصفه وشكله وصـط قيفانـي
والله يجمل قصيدي صبـح و اعشيـه
الخشم سله شطيـرن يـوم ورانـي
والقلب طيب ودائـم صافـي النيـه
والزول لامن وصفته زانت الحانـي
والعين تسلـم وانـا عينـي شقاويـه
ولا جيت ابذكر خدوده خل ميزانـي
البارق الي خـدوده مـا بهـا زيـه
ولا جيت ابذكر جديله قدم الاعيانـي
ضاعت علومي وصار الليل عصريه
مبسمه قدمك وشوفه ريـح ريحانـي
لبى شفاتـه تجيـب العيـد ورديـه
ولا جيت ابذكر نسبها نسل عيلانـي
هي بنت قومن علي الطالات ضاريه
انشهـد انهـا لهـا فالوقـت جدانـي
امجادهـم بالخصـم ماهـي بعاديـه
افعالهـم مرثعـه فالقـاص والدانـي
محدن جحد فعلهـم بالطيـب موليـه
غير الحسب والنسب بضيف شي ثاني
له حشمتـن تنعـرف دائـم سنافيـه
ما كنت اضن القضي في يوم يجفاني
خابت ضنوني وضايق كل مـا فيـه
ابيك توحي كـلام امزبـن الجانـي
ما لان صدري في يومن سبه ابنيه
ماهين راسي وانا من ساس عدوانـي
مدامني من سلايـل راعـي احميـه
وسلامتكم