[الطامي]

المشاركة الأصلية كتبت بواسطة ناصر عبيد الهواوي

قال من هو بالقصيد آخذ ٍدورة=عند ابو فايز وناصر وهزاعي ِ
علموه الشعر مبناه وبحوره= لين جاء يلعب على كل الأوضاعي ِ
يانديبي فوق حرة ومذعورة= كوعها عن زارها قدر الإصباعي ِ
قبل مبدأ الصبح ويصيح عصفوره= كان قلبك للمهمات بتاعي ِ
لاتعجلني اوضح لك الصورة=ما يقاس الشعر بالشبر والباعي ِ
فيه قول يبهج القلب بسطوره= وفيه امور نسيبها مالها داعي
قل لإبن جدلان لو جيت بحضوره= ركب ال جمسك مواصير قلاعي
واترك المنكوس ما ذا الزمن دوره=وخاطب الأمة عسى نيمها ياعي
رب كلمة تبعث افكار مقبورة= ورب همة حاكم ٍتشف الأوجاعي
مثل ابو متعب الى هاجت ابحوره= كل قاسي لا سطا الليث ينصاعي ِ
سطوته في قوم الإرهاب مخبورة=في ثلاث سنين كل امرهم ماعي ِ
مثل ماغطيت بالشاي شابورة=جمع هالطغمة تمزع تمزاعي ِ
ودنا تنشأ ولو كان محضورة= مفاعلاتٍ تجعل الغرب يرتاعي ِ
نبذل الأسباب في محكم السورة= قال اعدوا كل ماكان يسطاعي ِ
التسلح للوطن درعه وسوره= لا استبيح العرض مافاد فزاعي
اليهود من الرفض جا لهم خورة=مانفع معهم سياسات وإخداعي ِ
اطلقوا عدة صواريخ مشهورة= مثل قولة هيه يانيم صر واعي

الهواوي
صح السانمك ملايين وملايين
وفَيت وكفَيت
ابيات ومعنى لافض فوك اخي
شكرا لك ولاهنت