الابيات ادناه تعبر عن نفسها ارجو ان تحوز على رضاكم وبالله التوفيق ومن السداد
------------
صديقهم وقت السعة بس لاغير=ولامن دروبي صرت محتاج صدو
ربع لهم في ماقف الضيق تبرير=تخسا الحاهم وين راحو وردو
مالي بهم القى العوض بالمناعير=اللي خويهم عنه ماساع لدو
ماهم من اللي للورى مشيهم طير=قدام وجهك وين ماقلت سدو
يمناك لاضاقت عليك الطوابير=ولاتأزم الموقف ترى فيه جدو
مايخلقون اعذار مامن عواثير=حاجتك قبل اللي لهم دوم بدو
تعرف بهم كل المعاني المسافير=وصعب الامور الكايدة لك تحدو
ان غيرت دنياك بعض الجماهير=ضد الليالي عزوتي ماتردو
يقوله اللي فاق من بعد تخدير=وصافح كفوف اهل الوفا يوم مدو
اقطع رفيق عشرته مابها خير=يخذلك يوم العرب قيل شدو
عندك الا احتاجك كثير المشاوير=ويخطر على بالك منهم لاعدو
اخو طمع جابته عوج المقادير=لاحلل الله ايام سامو وحدو
على ابيض القرطاس حررت تقرير=عكس العواذل مايبونة وودو
جرت قلم فيها معاني وتعبير=توضيح للي سلم الاجواد هدو
-----
وسلامتكم