[محمد عبدالله البدراني]

المشاركة الأصلية كتبت بواسطة ناصر عبيد الهواوي

تزهم وانا بأم القرى كنت معزوم=مرتاح في غرفة بفندق مراسي
وإرتعت ما ادري ليه(لا اجلس ولا اقوم)=وعلى الملابس من يدي طاح كاسي
لا اتقول ليش؟امر ٍمقدر ومقسوم=ما كنت اصدق يو تجرح إحساسي
ب(آلو)ترا ما يقتنع قلبي اليوم=من يوم سمع الصوت ماهو بناسي
محال ينسى الأمر ذا قبل محسوم=حبك إقماش مفصلينه مقاسي
إجني وعطني مابراسك من علوم=نجلس سوى وأعطيك انا مابراسي
ما الوم قلبي لو جزع منك ما الوم=يبيك وأنت مسبب ٍله مآسي
اسنين نومه كله إغفاي وحلوم=وقولتك آلو هالحين زادت إعماسي
وغديت له حاكم وهو صار محكوم=ولا تدري إن العدل بالحكم اساسي
واصبحت ماتخضع لعادات وإسلوم=في معمعة كبرك غدت بالمداسي
خذلتني خذلة هنية من القوم=وطحنتني طحن اليهود إل حماسي
وشي ٍدهاني وأودع بحالي إثلوم=يندس من بين الضلوع إندساسي
ولا عاد اميز بين ظالم ومظلوم=والمخ اظنه صار فيه إلتماسي
في سوقكم ماعاد لا اشري ولا اسوم=حطيت من قدري وهديت باسي

اقرؤها هي ابلغ مما سيقال

الله الله


يابو عبيد


مليون صح السانك


وعلا شانك


لاعدمناك يامبدع



تحيتي وتقديري