[الطامي]

سلام الله على الي بالكتابي لابد ومهموم=علامه مايرد الا على من له هوى فيهم(فلاح)
انا سلمت سنه واخبر الواجب ردود القوم=وانا ماقول غير اهل المرض ربي يشافيهم(فلاح)
عليكم ردها مني بسلام مقتفيه اعلوم = وحقك واجب انجيبه وما كل الناس نعفيهم(الطامي)
امين الله يشافي كل منهو به مرض محموم =ويسلم من حين ايشوف من يحب طاريهم(الطامي)
على البياع والشاري ترى به فرق بين السوم=ومن لايشتري بالسومه الاولى يقاديهم(فلاح)
انا من عقب صليت العصر جاني لذيذ النوم= ولكن شفت ردك سيل سال وعم واديهم(فلاح)
يقول الاول يالتالي ترى كثر العمال هموم = ومن لايقتنع باللي رزق به ماحاش تاليهم(الطامي)
اذا بك نوم حط الراس وبعد هالوقت لين اتقوم = نجي والا تدور غيرنا والناس ترضيهم(الطامي)
انا مانام لامني لقيتك يالفتى الزيزوم= سوالفكم عزيزه وانت يالطامي تجاريهم(فلاح)
ترى ماجابني غير استغاثة قافي المحروم= وشفت العصر رائق والعناء لي من مساريهم(فلاح)
اجل هات الذي عندك وشب النيران ياشغموم = قبل ياتيك من ودان وهمالٍ يطفيهم(الطامي)
ترى عذر الكبير اللي يبي الفكه من المظلوم = يقول انه على شانه يحابيله وينطيهم(الطامي)