( العــفـــــار )
ضيف الله بن تركي بن حميد العتيبي
اشتهر كأبيه بالفروسية والشعر فـ لقّب بـ(( العفار )) لطريقته العجيبة بالقتال وشجاعته حيث كان يلحق الخيال ويخطفه من على جواده ثم يقضي عليه .
***********
( أنشد هذه القصيدة في أحد المناسبات )
يالله ياللـي نطلبـه دايـم الـدوم = يامخلف النيـه ينقـض العزايـم
الكبد ماتقبل مـن الـزاد مطعـوم = من شافني كني عن الزاد صايـم
البارحة عيني قزت عن كرى النوم = يـوم الثريـا قابلـت للنعـايـم
تخالفت بالقلـب قـلات واهمـوم = يـوم الشكالـه ماتهـم البهايـم
بالليل اهوجس لي ابقالات وعزوم = للـروح خـلاق وللعمـر سايـم
ذولا نصالحهم ونـاس لنـا قـوم = واكوان يشبع غبهـا كـل حايـم
لما سكنا نجد من غيـر معلـوم = بصولات تلقا به صفا الجو عايـم
يانجـد والله مانزلنـاك بسـلـوم = ولا انت بورث جدودنـا والقدايـم
يانجد خذنا فيك حـق ومرسـوم = وصفا جنابك عقب نطـل العمايـم
خذناك عقب امدارك العمر والسوم = سـوم يخسـر لابسـات اللثايـم
كم خايع بين الحفيفيـن ماسـوم = كـل يبيـه واصليـن الكضـايـم
عاداتنا نرعا الخطر دايـم الـدوم = يرعى دبشنا فيـه والحـظ قايـم
نرعى بربع كنهـم دولـة الـروم = مركاضهم بالضيق يجـلا اللوايـم
لاصاح صياح الضحى جن حثلـوم = الخيل بالفرسـان عجـل همايـم
يازين سجتنا على الفطـر الكـوم = يوم بلاش ويـوم جبنـا الغنايـم
نو الخيال مسرح من ضحا اليـوم = امطر وسيلـه دم روس العدايـم