[عبدالله مذكر العقيلي]

هـات القلم واكتب على كل قرطـاس = اكـتب كـلامي يـوم اقـولـه واغـنيــه
كـلام سبـب داخـل الـراس هوجـاس = وراحت تدور بداخل الراس طاريـه
من واحـدٍ له داخـل القـلب مجـلاس = جـلـس بـقلبي جعــل ربـي يـخـلـيــه
قال اكتب ابياتٍ على ذوق واحساس = وفيني قصـيـدك لازم انـك تـسـويــه
قـلت انت تامر يابـعد كـل الاجـنـاس = يرخص لك الغالي إذا كنت تـبغـيــه
اطـلب لـونـك تطـلب الـعين والراس = طـلبـك حـاضـر والله انـي لـلـبـيـــه
مافيـه احـد غيرك ملكـني من الـناس = انت الوحيـد الـلي نـعـزه ونـغـلـيــه
وانت الذي نلقـاه في لـحضـة الـيـاس = وفي لحضة الـشده لزومـك تـكـفيـه
لـجلك كتبت الشعروالـبسـتـه الـبـاس = لبسـتـه احـروف الـقصيد ومعـانيــه
ياعمـري وقـلبي وعـقلي والاحساس = تـفـداك روحي والـقصيد وقـوافـيــه
بـنـيت لـك بالقـلب قصر على سـاس = قصرٍمخصص لك ولاحدٍ سكن فيـه
وحـطـيت لـك ياغـايتي فـيـه حـراس = حـراس من كـل الزوايـا وتـحـميــه
واللي يجي في ساحت القصر ينداس = محـدٍ يـجـيـه ولايـمـربـضـواحـيـــه
قصر الـمحبـه مـوقعـه بين الاقـواس = بين المحـاني في مكـانـه وراعـيـــه