[رفيعة الشان]

:



بصوت : سليمان السكيبي (سناعيس)

:

:

ارتديت من الحزن أفخم رداء
.................في مساء(ن) فيه ضيّعت الطريق
وين اوجّه والبشر عندي سواء
.................ومن وجع هالجرح ازريت استفيق
لا جزيت بخير يا ذاك المساء
.................فيك هم وفيك حزن وفيك ضيق
تمطر الضيقة وفي كفي وعاء
.................ثم امده لامطرت وآبلّ ريق
ما أحب اخطي ولا احب الجفاء
...............لو جروحي تندمل ولا تريق
طبعي آسامح ولو فيني بكاء
..............خص لامن كان جرحي من صديق
يا رفيقي خل عنك الكبرياء
.................وانت تدري من بدا جفو الرفيق
أنت منت بنجم في كبد السماء
.................وآنا ماجيتك من ديوني غريق
يا رفيقي ما اطالبك انحناء
.................تعرف اني للألم ماعدت اطيق
لا تداوي جرحك الموجع بداء
.................ولا تخلّينا نطوّل بالمضيق
كان عاد بقلبك شويّة وفاء
.................نسّني ماصار باسلوب(ن) رقيق

:

:

: