الشعر هاجوس فكر وحرف نوراني=يترجم احساس للعالم ويشجيها
والشعر نبع الشعور ورسم فناني =لوحه جميله تناجي من يناجيها
والشعر همسه ولمسة حس شيهاني=متعليه والفصاحه في معانيها
ياعاسف القاف لاهل الشعر ميزاني=لاختل وزنه تردى في مبانيها
الشعر حكمه ونغمة عود مزياني=يرتب افكار لاهل العرف يوفيها
بعض العرب لانصحته صار عدواني =مايقبل النقد والشينه يغذيها
مايحسب العاقبه ويصير طوفاني=جاب النطيحه وعينه في ترديها
يقول انا قيس والا عنتر الثاني = وش للبشر من حروفي في مهاويها
انا حروفي من الياقوت والحاني=غنى بها الجن والا الانس ناسيها
يغوص بحر الانانيه بوجداني =ويقلب الحق باطل في مفاليها
وانا مع اهل المشاعر صرت حيراني =واحد يولول وواحد حد صاليها
والبعض يرسل تمايم فعل شيطاني=متحاوسات الرجول وشل اياديها
تعبت ياهل القوافي بين نيراني=واختل قاف القصايد عند راميها
يالله طلبتك رضى ياعالي الشاني=وارفق بروحٍ كبير الهم طاويها
وصل عالمصطفى من نسل عدناني= محمد الي له الطيِبه وراعيها