السلام عليكم ورحمة الله وبركاته
الجمعه عليكم مباركه جميع ان شاء الله
اسف على الانقطاع عن النشر وذالك لظروف ونفسيه تمنعني عن النشر في الايام الي فاتت وهاانا الان اعود واضع احساسي بين ايديكم وعسى ان يحوز على رضاكم..... |
ياقلب هوّد وش علامك ذبحتن=لامن لفى طاريه فزيت ملهوف
ماتدري انك في غرامك فضحتن=خليتني للناس ياقلب مكشوف
صنت العهدياقلب واليوم خنتن=خنت العهد وثرك على الحب متلوف
باقصى ضلوعي في غرامه طرحتن=خليت عيني دمعها منك مذروف
مو عادتك ياقلب يامانصحتن=واليوم اشوفك للمحبين مكفوف
داريتك بعمري واشوفك طعنتن=خليتني مع كسرت القلب والخوف
ماهي شجاعه يوم رحت و كسرتن=واعلنت كسر الحب في معرفة (....)
امشي معاك الحب تحسب ملكتن؟=ماني بعبدن لك ولاني بمكتوف
وش حيلتك لا قلت بكرا خسرتن=تلقا وبلقا دامه الدرب معروف
بنسى غرامك وانت لامن ذكرتن=صوّت على ذكراي من داخل الجوف