ياعيون الشعر جودي بالحراره = والهبي كل المشاعر واحتويني
امري! خلك ترى رهن الإشاره = زايد الأشواق وعلى ماتبيني
لو تبينه قيس والا بن زراره = ماتخالف لك شماله واليميني
ياعيون الشعر لك عندي سفاره =لاجلك القاسي ليا زرتي يليني
لك بوسط الروح مركاز واماره = وان هجرتي زاد في جوفي أنيني
انتي المتنفس ان حطوا خفاره = رغم عن كل الحواجز تعبريني
ياعيون الشعر بك تحلى العباره = ترسمين الحسن باطراف اليديني
انتي البارود بي يلهب شراره = وانتي الترياق من لوعة حنيني
صحبتك بين البشر ماهي خساره = كنك الشريان مني والوتيني
ياعيون الشعر بذتنا الحضاره = والحداثه شيخوها من سنيني
فعللوها مانفعلنا ذيك عاره = ماتجس النبض ماتلمس كنيني
يكفي ايقاع الحروف المستثاره = من جواهر كامنه في كل حيني