بوح الجروح الداميـات امتحنـي
لو ما حكيته نازف الجرح ذاعـه
مثلوم قلبي من عنا الهـم جنـي
عجزت لاخلف خافقي عن طباعه
ماني مريض فراش با الليل اوني
بيني وبين الهم قـرب ورضاعـه
الحزن هو دمـي وفنجـال بنـي
سفينة الاحـزان قلبـي شراعـه
دمعي نزيف الروح كنت امتهنـي
قبل انولد يامن شقى في متاعـه
يقبل علي ليلي بسهـر وتجنـي
ويبخل علي يومي بلمحة شعاعه
ويقبل علي ميـلاد حبـي وفنـي
بشموع طفتها سنيـن القطاعـه
كنت احسب الدنيا طيورن تغنـي
للحب لسنيـن الوفـا والوداعـه
ولا بين خلانن حروبـن تشنـي
والناس زاده با الحيـاة القناعـه
الله الله ابداع يترجم الم البوح
صح لسانك مليون ولايكفون
لاهان راسك قصيدة رااائعة
سلمت ودام بوحك