[حمود جارالله المزيني]

المشاركة الأصلية كتبت بواسطة حسين السبيعي

حبيبي يا بعد عمري أحبك حيل أنا وأهواك=دخيل الجمرة اللي في شفاتك ضوحها يسري
دخيل الليل الأسود فوق متنك ، لا انتثر غطاك=دخيل الوجنة الخجلى ، دخيل عيونك الخُدرِ
دخيل القد الأهيف لا تثنى مثل غصن الراك=دخيل الورد في خدك يفوح بريحه العطري
دخيل البسمة اللي ترتسم لأجلي على محياك=دخيل الهمسة اللي فعلها في مسمعي سحري
دخيل اللولو اللي لا ابتسمت يبين بين شفاك=دخيل البشرة اللي لونها يا صاحبي خمري
دخيل أمك وأبوك ورحمة أمواتك ومن سَمّاك=دخيلك لا نطقت اسمي ، وقلت: ( حسين يا عمري )
دخيل أوصافك الأخرى ، دخيلك لايذٍ بحماك=دخيلك لا توديني من الدنيا إلى قبري

الله اكبر عليك
حسين السبيعي
ماأجمل قصيدتك
تقبل تحيتي