[عبدالعزيز العقيدي]

خلي نهاية عنادك طال ماديها =**لاطاب وقتي معك ولاطاب لك مسعاي
لعيونك أسلك دروب الهجر وأمشيها =**ودوامة الشك تاهت في الدروب خطاي
نفسك على كيف ما تهوى تخليها =**وأعزف على جروحي الفاطر حزين الناي
وأنا على الصبر نفسي كم أقويها =**وأبسم وفي وسط قلبي شايل(ن) بلواي
غابت بدور الفرح سرمد لياليها =**وفراش سعد معك فالزاوية مطواي
يا قليبي المهتري وش ذكرك فيها=**وش لك بخل هجرك وأنته المنساي
نزحت بحر الرجا ودي أراضيها=**وكلما تزايد دلاله قلت له مرضاي
أبحر وسفن الهوى لاثت صواريها =**وش ينفعك يا غريق الشك يا مطماي
كود الليالي مع الهجران يضويها =**بدر السعد لك حبيبي يا غريم صباي
وتعوض اللي مضى ومكدرك فيها= **وتخط عمر (ن)جديد من عمري الممحاي