[عرق الماس]

المشاركة الأصلية كتبت بواسطة عبدالكريم العياش

وش غيّرك من بعد عشرين عام= مرّت عجوله مثل حلم الطفوله
مرّت وفاوحب وتباريح وهيام= وفيض المشاعر في حنان الرجوله
مرّت هدف واحلام ونظره لقدام = أسس بهاالعشاق أركان دوله
يافجعة النايم على صدر الأيام = ويا وجعة المطعون باربع فصوله
لاقادر(ن)يرجع ولايسير قدّام = ولاقادر(ن)ياقف ولايطيح طوله
الصدمه أقوى من مصدّات الألغام =والحق تغتاله بنات الحموله
راعي المبادي لوتوطّته الاقدام = يموت صمت أعز وأشرف بطوله
ويامشتري من شك الأوهام أحكام= بيع الضمير يموت بأبسط سهوله
ولو فوق صدري تزرعين الدمع عام = بين الندم والظلم روحي جفوله
يكفيني الماضي عطينيه اباانام = وأنتي أسهري مع شكك الليل طوله
وحطّي بجنبي كومة أوراق واقلام = أبكتبك ماضي بعصر الكهوله
وابكتبك عفّت رمز طهر الأسلام = وابكتبك قمّه وقيمه مهوله
وابكتبك أحساس وامسحك ارقام = ياعز واشرف تاج راسي ينوله

حضرة الشاعر عبد الكريم...

قصيدة رائعة جداً,,

والحقيقة التساؤل يالي فيها شغلني جوابه!!

ترى ماهو الشيء ياشاعرنا

يالي خلى هالتغير يصير وبعد20 عام عايشينا؟؟

أحسب غدر الزمان فينا هو يالي يخلينا

ندوس على قلوبنا ونهرب من كل شيئ بماضينا

حتى الحب والوفا صاروا عيب فينا ,,

لازم نخطي فوقهم لنكمل تالينا!!!

تسلم يدك ياشاعرنا أجدت وأبدعت..