ياليت تدري وش كثر مانـي اغليـك=وربي اشـوف الكـون ضيـق بدونـك
يلـي غرسـت مـن الغـلا بــذرةٍ فـيـك=واسقيتها من عـذب صافـي مزونـك
متـى تجـي تسبـقـك يـمـي خطـاويـك=تـعـال واخــذل كــل مـــن يعـذلـونـك
تراني اقضـي هالعمـر فـي حراويـك=وكل امنياتـي تنحصـر فـي شجونـك
وافرح من الأعماق لأوحيت طاريك=واستمتـع بلحـظـات نـظـرة عيـونـك
مشتاق لك بلحيـل ون قلـت وشفيـك=واطرب لصوتـك واستمعهـا لحونـك
طالـع لقلبـي شـوف هـاذي سوانيـك=تغـرف مشـاعـر صـادقـه ماتخـونـك
وتسقي رياض ممحلـه فـي محانيـك=وتـبـل مـــن عـــذبٍ أزلالٍ اشـنـونـك
طالع عيوني شـوف هـاذي موانيـك=رسى عليهـا الشـوق يطلبـك عونـك
لاتخذلـه وانـت الوفـاء مـن مباديـك=وابشـر بعـزك مـن حبـيـبٍ يصـونـك
ان جـاد بـك حظـه وزانـت مساريـك=جنـد لـك جيـوش الـغـلا يحرسـونـك
خذ صدري انجاك الطفش هويسليك=ولا الفـرح دايـم عسـى فـي ردونــك
الشاعر نمر العتيبي
ترجمت احساسك واحساس غيرك
بهذه الجميلة الراائعه
نويت اقتبس بيتين لقيت القصيده مكمله بعضها
صح قلبك مليووون ولا يوفووون
تحياااتي وتقديري
.
.