مايعذربني ملام ولاعليّ من النقاده= دام عشقي للشمال مسيّرٍ له وسط دمّي
ياترانيم المحبّه للحبيب إبدي زياده= حاكي الغالي بصدق وقولي ان الوجْد جمّي
ماقويت اصبر مدام الشوق صاير لي قِلاده= خبّل بعقلي هيامي في ثرى خالي وعمّي
ياذهب يالولو بعيني ولا تبغى شهاده= ارضها . شعبانها. وجبالها هي بُعد همّي
عندي اروع من بقاع الارض دار أهْل الاِشاده=شفتها زينة مدائن شفت فيها الوصف تمّي
قارئين الحرف مني لاتلوموني بعاده= عادة العشْق المؤصّل يوم يحكي فيه فمّي
يومه يصوّر لشوقٍ شال خدّي عن وساده = أسْهر إن قالوا حقوق المزن فوقه مدلهمّي
ياسعد حالي لو ان الحلم يأتيني وِكاده = وانْزله تلْك الدّيار اللي اليها القلب أمّي