[سعود النداح]

احبك كثر ما غرد على غصن الشجر عصفور=واحبك كثر ما ناح الحمام وطارت اسرابه
احس بنظرت اعيونك سحر يا لمعة البلور=فديت اللي لجل قلبي يزين رفت اهدابه
تعالي واسكني داخل ضلوعي واملكيني شعور=وانا برسم على صمت الورق شعري ومحرابه
انا ماني مثل غيري احب ايام والا شهور=انا كلي اجي كلي واسوق الحب لاحبابه
اجيك بقلبي وعقلي ودفتر ماضياً مستور=ولا اكتب لك على اوراقي حكاية حلم كذابه
انا شخصاً جرحه الوقت ولا بيِن له الدستور=وانا قلبي على الفطره يموت ولا شكى اصحابه
انا بحراً في غبَاتي سكن فيني الالم والجور=وعلى امواجي تعلا الهم وبكيت الشوق فغيابه
انا قصراً تركني الحب واصبح خالياً مهجور=وتكسر كل ما فيني ولا باقي سوى ابوابه
انا بالمختصر واحد في طيات الوهن محصور=وقلبي في زمن ماضي شكى لي مضيع اكتابه
خذيني واحرقي باقي الورق يا ملهمتني النور=وانا بودع الماضي واسلم قلبي لاصحابه