[عبدالله الشويمان]

المشاركة الأصلية كتبت بواسطة شجون القصيم

اخواتي واخواني

احببت ان تكون اول مصافحه لي هنا مناسبه لشهر الرحمه

ارجو ان ترتقى الى ذائقتكم

يارحمة الله بهذا الكون ضميني = وبالآخره عن لهيب النار نجيني
يارحمة الله طلبتك يوم صرخاتي = اذا ناديتك بضعفي لا تخذليني
بحق اللذي نزلك للناس بالدنيا = واختص بك فوق خلقه لا تخليني
يوم الحشر لاترادى عزم خلق الله = وبسطت جهنم ابي الجنات وديني
ياويل قلبي من الدنيا ومافيها = الهت جميع البشر في لبسها الشيني
ناموا على عرضها المغري وبلواها = وقاموا بوسط ارضها بالقبر صنفيني
احدٍ بروضه من الجنات يتفيا = واحدٍ بحفره يصارخ من ينجيني
عزاي لحالي اذا الدنيا رمت حالي = عزاي وش عالمي والناس مقفيني
يارب ذي عبدتك تسألك بالرحمه = مابي سوى رحمتك يارب تعطيني
يارب دنيا البشر تلهي بزخرفها = وانا ضعيفه الــه الكون قويني
آمنت انا بالقدر وان العمر فاني = لكنها النفس بالتسويف تغريني
تقول لي طنشي بكرا تجي توبه = ياليت بكرا يجي تسعد به العيني
يالله ياللي عبيدك ماتخيبها = سألك ربي من النيران نجيني

آآآآمين..آآآآمين

الله يكافينا شر الدنيا وبلاويها ويعيذنا من النار..

صح السانك يا شجون ..نص رائع ..وابتهال نرجو له القبول من العلي القدير.

تحياتي