[صالح سعود]

يا حلو وجهي في عيوني وأنا شين =ويا حلو ما اسوي وأنا شين كلي
العين ما تعلى على حاجب العين =يا اللي ذبحك مع الغرور التغلي
من زود مابك قلت ما مثلك اثنين =يلعب غرورك فيك وأنت متعلي
كنت احسب إنك راس مال ومعاوين =لقيتك أول واحدن قد حبلي
تحسب أنك ساس روس السلاطين =وأنا معك ما أغير ارحب وأهلي
في برجك العاجي وحلم المجانين =تشبك خطاء والا تفك وتحلي
نسيت بأنك طين وترجع على الطين =وأنك من الدنيا لزوم ن مولي
بكرة تشوف في يوم وضع الموازين =من هو على وجهه يجر ويتلي
وفي وقتها ما ينفعك زين يا زين =ولا ينفعك وجه الحلا والتحلي
ما ينفع الا الدين واعلم ترى الدين = نور الوجيه اللي تصوم وتصلي