[الخنساء]

المشاركة الأصلية كتبت بواسطة ترانيم المطر

للقلب صوت وللمحاني صوت والفارق كبيـر=وما يميزها بعيني غير( نظـرات الكـبـار )
وللحمول الكايده رجّـال لـو طـال المسيـر=مـا يمـل ولا يكـل ولا يغيـر ذا المـسـار
وللمحبه صوت ثاني بس مـا تقبـل شويـر=وللمعاني صـوت متوافـق معـا ذاك العيـار
وللمحبه قلب ما طبه تـرى غيـرك خشيـر=والبدايـه والنهايـه حطهـا بعيـن إعتبـار
أذكـر النـور المطفـى وأذكرالنـور المنيـر=وأذكر اللي بيننا والحيـن حـال إبـه الدمـار
وأذكر القاف المقفى كيف فـازت بـه عبيـر=كيف واصلت المسيروربعنـا بـوادي مشـار
فوق راس الضلع بتنـا مـا قوينـا للمسيـر=تثقل الخطـوه علينـا ودّنـا نسيـر بنهـار
منـك نتعلـم فنـون ومنـك حنـا نستذيـر=دبرة الخالق خلقـك ودبـرة الخالـق وقـار
ومنك نتعلم حروف الحـب تـزرع بالضميـر=ومعك سرت الدرب الايمن تاركه دربي يسار
وبعد ما حطت رحالك ساقتـك موجـة أثيـر=للديار اللي بها ضـؤ القمـر جـاه إنكسـار
من يهاب العز مات ومن حيـا عيشـة فقيـر=سـار فـي دربـه ودربـه مايـلٍ للإنحـدار
والمراجل مـا تهـون وبينهـا فـارق كبيـر=مايميـز ها بعيني غيـر( نظـرات الكـبـار )

صح لسانك مليون حبيبتى الشاعرة ترانيم \

قصيدة جزلة من شاعرة جزلة
سلمت ودام حرفك