[عبدالكريم العياش]

المشاركة الأصلية كتبت بواسطة شجون القصيد

غربي المشقوق يانـوح السوانـي = ماوصلني منـه مايملـى جموعـي
ضاميٍ(ن) جوفي ولا الدّ الـْ/ طماني = لو ذبحني مع ظمايه حِـرّ جوعـي
بنت شيخ (ن) ما تعذّر دون عانـي = محزم(ن) فالضيق واليوم الفزوعـي
بنت عـزّ والله انْ يبطـي زمانـي = ما يكررنـي صحـى والا هجوعـي
والبدايل لـو بهـا ختـم الضمانـي = عزوتي عن ضيّها شبّـت شموعـي
جيت قبل اقولهـا واطلـق عنانـي = بيني وبين الخطـا مليـون بوعـي
تمّـت بعقلـي وترجمهـا لسانـي = دون خفّاقي ثمان(ن) من ضلوعـي
والكلام اللـي بـلا زهمـة معانـي = ما يسنّد لحيتي مـن فـوق كوعـي
قال مغـروره / ولا حـرك كيااانـي = الكرامه تـاج / وهروجـه تلوعـي
قال هـدّي / قلـت مابيـن جِنانـي = والله انّ الجن تاردني جموعي
إيـه ربـي بالتـروي قـد حبانـي = وما عرفت الا قليـلٍ مـن طبوعـي
لو نقص عقلـي ودينـي ماشقانـي = تبطي الحساد مـا شافـت دموعـي
اشهد ان الوقت لو جـار وحدانـي = جعل موتي قبل ما يبـدى ركوعـي
وادري اني بينكـم نبـع الحنااانـي = دايمٍ (ن) للكـل مشتـاق وولوعـي
لو غلط بي صاحبـي والا جفانـي = ادمح الزله / على الصاحب خنوعي
بـس وحـده مايمررهـا جنـانـي = انقلب من غيها واصبـح جزوعـي
الغدر من صاحبـي عقـب اقتفانـي = عقبها الصدّه وياشـي(ن) يروعـي
لو خذاني بالعـذر سحـر البيانـي = ايه يجذبني ولا يعلن خضوعي
زبدة الموضـوع يـوم الله عطانـي = طعنتك بالظهـر ماتعنـي وقوعي

الاخت الشاعره الفّذه / شجون القصيد
صح لسانك على تلك القصيده التي تفيض شموخا وأباءوعزّة
والتي تحوي كثيرا من مضامين الحكمه والانفه .
ولعل الغدر والطعن في الظهر هو آفة هذا العصر والمؤلم ان
هناك من يصفقون له .
دمتي بخير اختي وسترك الله في الدنيا والاخره.