[متعب السميري]

نفسي رقيت أبها على رأس مرقـاب = وقطفت أغصون المرجله مع عنبهـا
بنيت لي بيوت(ن) وشديت الأطناب = ونار(ن) على الخبلان زايـد لهبهـا
وإلا بغيت أصتـاد مديـت مخـلاب = ونهب قلوب(ن) ماحد(ن) قد نهبهـا
حطيت لي مجلـس وعينـت نـواب = ونكبت لي رجال ماحـد(ن) نكبهـا
مارحت أدوًر من يسولف ورى الباب = ذاك الضعيف اللي يفتـش أعللبهـا
لوكان فيه الخير من ضمن الأشناب = يتـرك علـوم الذاهبـه وجتنبـهـا
مايدري انه راكب(ن) بعـد ركـاب = والحافلـه تمشـي وكلـن ركبـهـا
دار الزمن وتغيـرت كـل الابـواب = والناس كـل شـوي بايـن عجبهـا
العقرب اللي جات تمشي مع الـداب = يشيـل سـم اللـي دفعهـا ذنبـهـا
تمشي وهي متبرجه بيـن الأجنـاب = تبحث عن الغافـل يمـوت بسببهـا
عقرب خبيثه دآبهـا مامعـه نـاب = يدبـي ورآهـا مـا حياتـه عقبهـا
أتنقله ما بين جحـر(ن) وسـرداب = مضريتـه العقـرب أبقلـة أدبـهـا
يتـوب والا جعلـه يمـوت ماتـاب = مصيرها تدعـس عليـه أبكعبهـا