ابدأ بمن هو منزّه مـن اغفايـة ونـوم=واعوذ به من وساويس الخبيث الرجيـم
يا مملي القاف وش هالصمت هات العلوم=ما احمضتني في خبر دايم وعلمك قديـم
لك عام اشوفك مضيع للنحـل والسلـوم=وانته من اول الخطـلان اليمانـي نديـم
في دايـرة ذكريـاتٍ مرمسـاتٍ تحـوم=قضيتها حول سلمى في مغـازل سليـم
ما قلت سيرتها لأيسـر مغيـب النجـوم=قبل الظهر من ضرية واستعنت الرحيـم
من فوق جمسٍ يسابق طائرات الهجـوم=وجهتك دارٍبهـا شيـخٍ شجـاعٍ كريـم
فالحايرية لإبـن راجـح تعلـى رجـوم=احصيتهن اربعه إن كـان مخـي فهيـم
برج الكرم شامخٍ ما احدٍ لمثلـه يـروم=وبرج التواضع لمن جا له ولـيٍ حميـم
وبرج الأدب والفصاحة طال فوق الغيوم=عدّ الجنيهات ماهو هـذر خبـلٍ غشيـم
وبرجٍ تضافر على مبنـاه ربـعٍ قـروم=في مشيخة عز شامخ مسسٍ مـن قديـم
ياسعد من هم معه حسبة رفاقـة وقـوم=لابد لأمرٍ سعـوا فـي دبرتـه يستقيـم
ويافخر من عزوته يـوم المثـارا بقـوم=عدوهم يصطلـي نـارٍ لظاهـا جحيـم
يوم ارتجـاج الليلـي للمنايـا اسهـوم=رجالهم راجـحٍ عقلـه وطبعـه حليـم
مبهريـن الـدلال مقلطيـن الشـحـوم=اهل التراحيب قول وفعـل طبـعٍ مقيـم
يالله بنـوٍ حقـوق بقدرتـك يـارحـوم=في رحمتك يشمل الوديان سيـلٍ عميـم
سيله سبق وابله غطا الوطى والحـزوم=اسبوع سيل اتربة يزي نخلهـا الهشيـم
هذا جواب الهـواوي للجماعـة عمـوم=قصّرت والكامل الفرد اللطيـف الحكيـم
كرمكم الله يابن راجـح فدتـك الرخـوم=نسيـت ماقلتهـا ياجعـل عـزك مديـم