[احمد الجريفاني]

[align=center]

يامبدعه با الحرف جاني بيانك=رسالتك وصلت ولاني بناسيك
الحرف زينتيه مايوم زانك=والقاف يتشرف يخاطب مباهيك
ابيات شعري كل ابوها عشانك=الشعر واللي يكتب الشعر يفديك
محتاجتن روحي لدافي حنانك=لا تحرمينه جعل ربي يخليك
صيري مكاني وابي اصير بمكانك=لجل تحسي كيف انا هايمن فيك
لو تذبحيني حب قلبي مدانك=والله لحبك موت واقبل تجنيك
وقدام كل الناس اعللي كيانك=ولو يزعلك غيري من عيوني ارضيك
ولا يمكن اخسر يا الحبيبه رهانك=من خلقتي وافي ولاهو بخافيك
كان الزمن مع بعض الانذال خانك=اصابعك ما هي سوى في اياديك
اكيد ما ترضين شخصن اهانك=وشلون ترضينه وهو مرخصن بيك
يمكن طمع بك من حلاوة لسانك=ما يدري انك واثقه في خطاويك
تونسي غدر البشر ماهو شانك=عسى الذي صور جمالك يهنيك
ونامي على كفي وخوذي امانك=واذا حلمتي لا تناسين مغليك
وتدللي يا ذوق عيشي زمانك=عيني فراشن لك والاخرى تغطيك