كل حرفٍ يوم جا الداعي لفى صوبي وكبّر"="وابتدا باسم الله اللي كلنا نرجي ثوابه
جل من نزّل علينا الذكر نقرا ونتفكّر"="في امور الدين والدنيا وكلاً له زهابه
يوم كل انسان وضّح له طريق الخير والشر"="قال كلاً في نهار الحشر نقرا له كتابه
يالله انك تفح لنا كل ما بابه مسكر"="الدعا منا ومنك ياولينا لستجابه
يالله انك تحفظ الديره من عيال المعثر"="واقطع عراهم لو انهم لي على الدنيا قرابه
زمرةٍ تظهر صور لسلام فيها وتمظهر"="والقلوب السود فيها السوس جاعلها خرابه
الله اكبر من فعايلهم ايوالله الله اكبر="كيف اباحت قتل لنفس واستحلتها غصابه
والله اللي ناصرك ياراية الخفاق لخضر"="بالشعار اللي عليه الحق والسيف ونصابه
سلّم محمد بن نايف من الفكر المغرر"="ورد كيد اهل المكيدة وسط وجه اللي نوابه
والله انها معجزه للي معه عقل يتدبر"="يعرف ان الحق بيد الحق مخفوظٍ جنابه
والسعوديه بعون الله سماها ما تعكّر"=طوّها صافي وميثاق الولى وافي نصابه
دامها في قبضة ال سعود يا شعري تعطّر"="بالملوك اللي منازلهم على العليا تشابه
خبروا اللي يحسب انا في المواقف بنتأخر"="الوطن دونه نبيع الروح ما تسوى ترابه
المبادي ثابته وطويق ثابت ما تقهقر"="والنهج نمشي على نهج النبي هو والصحابه
بعدها يامرحبا بالشعر والطاروق حضّر"="استمد هجوسه من القلب واكتبها كتابه
جيت قالوا لي ويش اللي جاب مجحود بن عسكر"="قلت جابه شوقه اللي فاض ثم احرق ثيابه
ايه يا نجران جيت ازور قاعك واتسفر"="واقطف ورود الغلا عقب الحيا من كل غابه
مرةٍ ارح مع الطاري ومرات اتعبر"="شوق والمشتاق ما ينلام لو شوقه سرابه
السلام ورحمة الله للامير الحر لشقر"="سيدي مشعل عساني ما عدم حضرة جنابه
الامير اللي زهت نجران به في عدة اشهر"="واصبحت نجمة سما من شافها يفقد صوابه
كنه يسابق معاها الريح في درب التطور"="حطها في كفه اليمنى ويممها السحابه
والتمس حاجة جميع مواطنينه في التغير"="وحط للبسمه بوسط وجيههم قدر ومهابه
للحوار ارسى قواعد واسس وبنّى وعمّر"="حلق بفكره ابو خالد وجاب العلم جابه
يا سليل الخير راعي الجود نطمح فيكم اكثر"="دمت ياعز البلد رمزه وكنزه يا شبابه
والشعر مهما كتب ياسيدي يبقى مقصر"="ويش نكتب فيك وانت اكبر من حروف الكتابه
يكفي انك نجل عبدالله ولك عرقٍ بشمر"="ولو تحوز المجد من اقصاه قلنا لا غرابه
واستبيحك سيدي والعذر لهل الفضل يذكر"="ودي ارحب بشعري عن سموك بالنيابه
بالامير بن المليك بن الزعيم السيف لبتر"="سيدي تركي عقيد الطيب واسواره وبابه
فرخ شيهانٍ على غزو الفضا دايم محضّر"="صيرمي دون حد المملكه يقدح شهابه
اشرقت شمس السعاده سيدي والليل نوّر"="والله ان شوفتك تجلى الهم وتشيل الكابه
والعذر لوكان ما وفّى قصيدي واتعذر"="قدركم فوق النجوم اللي رقت فوق السحابه
وجيت قالوا لي ويش اللي جاب مجحود بن عسكر"="قلت جابه شوقه اللي فاض ثم احرق ثيابه
وان دعت نجران مشعل لا تخاذل لا تاخر"="امتطي صهوة بيوت الشعر واعلّي جنابه
والف صلى الله على طه واله خير معشر"="عد منهو حج بيت الله وطافه والتوى به