[الخنساء]

المشاركة الأصلية كتبت بواسطة نجم الإبداع

ياقلب روّح زمانك وش بقى=تنبض وكنك بوسط المحرقه
تناظر الناس من خلف التقا=واهل الهوى مابهم منك اشفقه
الحب ماصار حب موثقا = كلن يبي شم ريح الزنبقه
والزنبقه عاشقه لاهل الشقا=عبيرها كل من جاء ينشقه
ترسل هواها لخضاض السقا=وان صادفت ذيب صارت شرنقه
يسيل منها العسل يوم اللقا=للي يبي والعلوم موثقه
فوق الغصون انثنت لاهل الرقا=وكل مامر واحد تعشقه
تحلف وهي كاذبه وترونقا= لاهل القلوب الرهاف المشنقه
من غير سبه تضيق وتحرقا=وتشب نار الهجير المحرقه
تبغى وتبغى وتبغى وتهقا =وتدق فوق الرؤوس المطرقه
ياقلب هوّن ولا عد تعشقا =وش لك من الحب واهل الرونقه

صح لسانك مليون ولايكفون
قصيدة جزلة من شاعر متمكن
سلمت ودام حرفك