[الخنساء]

المشاركة الأصلية كتبت بواسطة الطامي

من هجوس بالضماير وجرات الونين = والعيون الساهره من جفا مضنونها
غطرفي من عذب لالحان بالصوت الحزين=واسهري جمعٍ من الناس لو يوحونها
لي وليف فيه من لدت الظبي الرزين = عنز ريم رايعت واذبحت باعيونها
لو يراها موكب اوباما الاسود مسرعين = خففو السرعه على شان يتحلونها
فيه عذروب يخلي ولد بوش اللعين = يطلب الاسلام ويرسل لها يبغونها
فيه غنج وبه دلالٍ مع القد الحسين = فيه من مشي الحمامه تخطى بهونها
ان نطحني صاحبي بالصدر كطلع تين = وان دبرته موتتي من تحلاّ اردونها
مرمس حبه بقلبي ومبطيٍٍ به دفين = والمواصل لابغيته وقف لي دونها
السلوم وطبعي اللي اخذته من سنين = وشيمتي العليا وعاداتنا ماخونها
جننتني في هواها وانا عقلي رزين = واعذابي من غلاها وانا مجنونها

صح لسانك مليون ولايكفون
قصيدة جزلة من شاعر متمكن
سلمت ودام حرفك