[الخنساء]

المشاركة الأصلية كتبت بواسطة الطائر المهاجر

مسكين راعي الهوى ياللي تعذلونه= مابين نارين دايم تشعل اشعالي
الوقت ضده فلا من عضد او عونه= وحتى حبيبٍ يحبه دالهٍ سالي
تمضي حياته وهو من دون في دونه= ولا احدٍ يعذره ولو هو صاحبٍ غالي
لاهوب قادر يوضح بعض مكنونه = ولا هوب قادر على الكتمان طوّالي
ماله جدا غير عبره تسكن عيونه= والفكر شارد وموج الحزن في العالي
من لايعرفه يقول انصاب بجنونه = واللي يعرفه يشوفه زاد بهبالي
ونا بقلبي لهيبٍ زادت شطونه = كلما اطفيه اشوفه شبّ من تالي
معذور قلبي ولو يشكي من طعونه= كلما وقف نزف جاوب نزف في الحالي
مشكاي لله عظيم الشان في كونه= اصبر على ما انكتب لو زاد ولوالي

صح لسانك مليون ولايكفون
قصيدة جزلة من شاعر جزل
ولاهان راسك قصبدة ترجمت
الم الاحساس
سلمت ودام حرفك