[مشبب عبدالله القحطاني]

المشاركة الأصلية كتبت بواسطة ترانيم المطر

في داخلي جرحن من العام قيّل=أحسبه مات وجرح قلبي تفيّـا
يسقي عروق القلب همن مكيّل=لا يشفق بحالي ولا هو تريّـا
تكا بو سط القلب جرحن تحيّل=وبانت همومه كلهـا بالمحيّـا
شربت من فنجال غدرن مهيّل=فنجال طال القلب طاويه طيّـا
قال الجفا طاله نهـارن مليّـل=صبحه يزول وزاد بالقلب كيّـا
جرحه نزف ودموع عينه تسيّل=والهجر طال وعاش همه هنيّا
غيّم عليّ الحزن والهـم خيّـل=جرحي سحابه في خفوقي تويّا
سطا بوسط القلب وأصبح مذيّل=سحابتن منها عروقـي رويّـا

لله درك من شاعره
أختي الفاضلة ترانيم المطر
السلام عليكم ورحمة الله وبركاته

صح لسانك واعتلى شانك فكم هي رائعة قصائدك وكم اشتقت لقراءة ماتكتبين
مبدعة والإبداع ليس بجديد عليك فزادك الله من فضله

بارك الله فيك وأسعدك في الدارين
تقبلي تقديري واحترامي
أخوك مشبب القحطاني