[مشبب عبدالله القحطاني]

المشاركة الأصلية كتبت بواسطة احمد الجريفاني

سوء التفاهم با المحبه مهو عيب=العيب لا دور حبيبك عيوبك
لا جاء سأل عن كل ما فيه تثريب=نسى عيوبه وجه اللوم صوبك
الحب له ساس وشروط ومواجيب=لا صرت عاشق تنعرف من سلوبك
الحب (فن) يهذب الروح تهذيب=اللي يحبك موت يغفر ذنوبك
من اول العاشق يبين به الطيب=ينوبه اللي با لمحبه ينوبك
يحول ما بينك وبين اللواهيب=يا قف بجنبك ينقذك من كروبك
واليوم حتى كل من قال انا ذيب=لا رن (جواله) تلاقيه دوبك
والله يلو تبعث كبار المناديب=او تنتخي يا مسندي ما دروا بك
ولا تعكر بسطهم شقة الجيب=خملقن دربه معاكس دروبك
تمسك باصلك تعدى عن العيب=عشاق (غفله) ثوبهم غير ثوبك

أخوي الشاعر أحمد الجريفاني
لله درك على هذه الرائعه وأسعد الله جميع أوقاتك بالخير والسعادة
صح لسانك واعتلى شانك ومدد بلا عدد الله يزيدك من فضله والله أبيات رائعه ومتميزة
تشرفت بقراءتها والرد عليها

فلك شكري وتقديري واحترامي
اخوك ومحبك مشبب القحطاني