احدى الصديقات متزوجه حديثا ارسلت لي صورتها مع زوجها وكان دب شوي هههههههه
ولانها تحب اغاني احلام ارسلت لها هذه الابيات ممازحه
طبعا احلام تقول في مطلعها...
هذا اللي شايف نفسه ..... ماشي ولا معبرني
يتلفت هنا وهنـــــاك ... ولا كنــــه شايفني
والله لا اوريكم فيه ,,, والله انا مااخليه .. مادامه لعب وياي .. خلوه يتحملني
........ واليكم الابيااات .......
هذا اللي ياكل كبسه = وبكرشه يخوفني
يترنح هنا وهناك = ولا كنه ملوعني
والله لا اوريكم فيه = والله انا مااخليه
مادامه سارق غداي = خلوه يتحملني
نسى مطاعم جده = والمنتو نافخ خده
يمشي ولا به شده = وعلى الحلا يساومني
ولامن قابلته بمكه = مصارينه تتشكه
مرتبكه اية ربكه = بين العالم فشلني
والله لااوريكم فيه = والله انا مااخليه
مادامه سارق غداي = خلوه يتحملني
ولما صادفته بأبها = حتى كرشه غربها
كمل مندي وخربها = الله منه يسلمني
لما وصلنا الرياض = دمعه على خده فاض
يبغى الدجاج البياض = ياكله ويطنشني
والله لااوريكم فيه = والله انا مااخليه
مادامه سارق غداي = خلوه يتحملني
وفي بريده طلب قرصان = ومرقوق حق القصمان
وفوال شادي وعصمان = يقول له ناولني
وراح بطريق عنيزه = وطلب معاه خبيزه
وتفاح ويا مويزه = وانا معه جوعني
والله لااوريكم فيه = والله انا مااخليه
مادامه سارق غداي = خلوه يتحملني
لما وصل للدمام = طلب محاشي وحمام
والبط ويا النعام = ويقول لا تشاركني
في الخبر على الكورنيش = طلب مشاوي والعيش
ويقول ارحل مافيش = ولا اشوفه طايقني
ياكيف اوريكم فيه = نويت ارحل واخليه
ياكل غداي وعشاي = ابغى بس يطلقني