[الخنساء]

المشاركة الأصلية كتبت بواسطة نجم الإبداع

وقف!ترى ياقلب انا مبتلش فيك=وراك بين الخلق بان انتحالك
وقف!لعل الله ياقلب يشفيك = لاجل العيون اعلنت عني ارتحالك
ضيعتني ياقلب ياقلب وش فيك= فاحت بوادي الحب ريحة دلالك
طاوعت نزواتك وكثرة تمنيك=لاجل الخيال اختل عندي جمالك
اشوف بك لوعه وانا كم لي اعطيك=حملتني مالا يطيق احتمالك
دايم تناظرهم ولاشي يرضيك=لاجل العيون الله ماكثر جدالك
يالي تعذبني وانا مبتلي فيك=ماعاد انا احبك ولا ارجي وصالك
ياقلب لاهذي ولا ذي وهاذيك=يرضون رغباتك وطيّة حبالك
وقف ولك ياقلب مني تغليك=فوق الهوى تختال مالك بدالك

صح لسانك مليون ولايكفون

قصيدة جزلة من شاعر جزل

سلمت ودام حرفك