[جلال ابراهيم الصبيح]

المشاركة الأصلية كتبت بواسطة عبدالله مذكر الحمدان

مكتوب والمكتوب ما عنه مجناب = شي من المولى مقدر ومكتوب
راضي بحكم الله ولوكنت منصاب =ولافيه مخلوقٍ بلا هم وذنوب
وخسارةِ فالمال ماتحسب احساب = ياكم صرفنا مال ماهو بمحسوب
أنعاصر الدنيا وهي هم وتعاب = وتبقى حياة الناس غالب ومغلوب
أحدٍ يسابقنا يبا يفتح الباب = مسرع وحتى يلبس الثوب مقلوب
يبغا الربح لو كان فالهرج كذاب = تلعبّه الدنيا وهو كله عيوب
مايدري ان الموت قصاف الارقاب = جايه وله وقتٍ محدد ومحسوب
وحدٍ يحب الخير للناس الاقراب = يتعب لفعل الخير لو كان مطلوب
والطيبين ألهم معزه وترحاب = أهل الشيم والطيب والفعل مرغوب
ياقلهم في هالزمن بين الاصحاب = راحو وجونا عقبهم صحبة جيوب
وانا أكلت المقلب اللي بلا اسباب = وأخذت درس وعقب هالدرس ابا اتوب

صح لسانك واعتلى شانك جميلة جدا....لاهنت....دمت بخير.


بائع الورد