[احمد الجريفاني]

مادام ذبح الخلـق مـن طبـع نجـلاك=
وش يخفي البرقع عـن اللـي يراعيـك =
اوخايفن مبسمك يقضـي بـا الاهـلاك=
علـى غريـرن مـا نظرتـه بعينـيـك =
يسحرني اللولو بحالي ثناياك=
ويذوبن طعـم اللعـس بيـن اشافيـك =
اسـري منـك ضايـع دليلـي محيـاك=
وارجع لروحك يا الغلى واهتنـي فيـك =
تقـول تنسانـي انـا كيـف ابنـسـاك=
وانت الذي بك ذاك مـع ذاك مـع ذيـك =
يا الله حصل لي يا غلى الـروح لامـاك=
دامـي ملكتـك كيـف ابرجـع اخليـك =
توجك با ( الفاشن ) على الكل ( شيراك )=
استانسـت باريـس واستمتعـت فيـك =
ونـورت (ميلانـو ) وقامـوا للقـيـاك=
مـا عمرهـم شافـوا مهاتـن توازيـك =
عذبت (فرزاتشي) و (شانيـل) بخطـاك=
وحتـى (فلنتيـنـو) تمـنـى تبنـيـك =
و (ديور) صابه يـوم شاهـدك الاربـاك=
يبـي احتكـارك بـس ماهـو بقاويـك =
ما شفـت ( كافالـي ) وهـو بيترجـاك=
يامل بتوقيعـك علـى سعـر يرضيـك=
مـا يـدري انـي مـن تولـع بلامـاك=
ما يدري انـي مـن تونـس بطاريـك =
يا عمر عمري (سان لـوران ) يفـداك=
تمسـك بمنهـوا علـى الـدوم مغليـك =
انـا فقـيـر لشوفـتـك كـلـي ادراك=
ان الفقـر لا حاربـك قلـب شاريـك=
يـا اللـي مزاييـن الغناديـر تـفـداك=
لا تذبحـن ترنـي دخيلـك وناصـيـك =