[ضاامية الود]

المشاركة الأصلية كتبت بواسطة شجون القصيد

متواضعه كتبتها بعد فقد عمي رحمه الله

طعم السعد في نهار العيد وشلونـــــــه = ياللي تعرفون طعم السعد دلـــونــــــي
مخطوف لون الفرح من داخل عيونــه = اللي فـقد غالي.ن. بالقبر مدفونــــــي
سقاك وبل الحيا يـــــاقبر ومزونــــــه = من غيــره العيد لا طعم.ن. ولا لونــي
ياخوي مابي الفرح بالعـيد وفنونــــــه = وان كان عايدتوا اهله لا تمرونــــــي
قولوا سلام.ن. من اللي كثرت غبونـه = كل عام وانتم بخير .. ولا تعذلونـــــي
وشلون اعايد وقلبي زادت طعونــــــه = ورجليني اللي لبيته مايشيلونــــــــــي
اللي فقد غاليــه.. حذرا.. تلومونــــــه = خلوني بهم قلبي .. بس .. خلونـــــي
يسعد مسا المقبره واللي يزورونـــــه = مادام فيها الغلا.. تستاهل عيونــــــي
يالله عساه بجنان الخلد وغصونـــــه = ينعم بها من ولي العرش ممنونـــــي

شجون

وصح لسانك وقلبك وبوحك علي الرائعه

قصيده محزنه وبكتني


تحياتي لك