[شجون القصيد]

الى بنات حواء مع التحيه

نصيحه باسلوبي ارجو ان ترتقي لذائقتكم

بدمعٍ عانق آهات الونينا = كما الورقا تهيض النايمينا
على رجمٍ بغرب الدار نحنا = وهيضنا جروح العاشقينا
على اللي مصخيه بالروح يمه = وهو يرأس جموع الخاينينا
ترا واكبر قهر لاصار خلك = يلوّح بك مع اللي بايعينا
تحسبه شاريٍ وصلك وحبك = وهو مع كل براقن يلينا
حبيب لكل من اقبل وسلم = يشرق نوب والاخرى يمينا
سمير الغيد ويدور هواهن = يراضيهن ولو هو باليمينا
وانا لاشافني هلل وكبر = وقال اهلين وضّاح الجبينا
وانا من شان حبه راح عقلي = يسيرني فؤادي والحنينا
اصدق كل ماقال وهتف به = ثبت شرعا كلامه مايهينا
ولا اسمع من حكابه لو حلف لي = ولو هو من كبار الناصحينا
ليا قال اتركه قلت اتمنى = لغير رضاه ماوالله عنينا
احسبه مثل مايملك فؤادي = ملكته في حياته وانتهينا
وصرت اللي يشيل الما بيده = تسرب لو هو غرّافه فطينا