[عمر ال شيبي]

المشاركة الأصلية كتبت بواسطة الطائر المهاجر

لو كل رجل خاف ربه حقيقه= وفكر ببيته قبل ينهار به ساس
ان كان ما يركض بخطوه سبيقه= يطرد ورا الشهوات من دون احساس
لو هو تذيكى وستر الله طريقه = فالله ما يهمله في يوم ينداس
ومن فوق هذا يشوف مالا يطيقه= في البنت والزوجه وفي اقرب الناس
فالعاقل اللي العقل دايم رفيقه= متحكم بالنفس ماداست ادناس
يصحح مساره لا لقى من يفيقه= من خل ناصح ماهو خمام ورساس
وش قيمته لاكشف عند الخليقه= وربه كشف ستره بعد كان نبراس
يطفى مثل نجم تلاشى بريقه = ويصير اضحوكه لعبله وجساس
ولا شاف من ذريته شيٍ يضيقه= من مشي في درب الردى دون اوجاس
دامه هو القدوه فهم بالسليقه =يمشون مثله دام للغي غراس
الرجل من يعرف ينقي صديقه = ولايقرب اللي في الغوى دوم غطاس
ومن لا استمع للنصح ما ني رفيقه = عيبٍ علي يضمني فيه مجلاس

صدقت وصح لسانك لا هنت ابد
حكم بلون الذهب تنقاس كتبها