[عمر ال شيبي]

المشاركة الأصلية كتبت بواسطة احمد الجريفاني

يااللي كتبت من اجل عينه حروفي=وش بك على هجر الذي دللك عجل
ارحم خفوق يرتعد وسط جوفي=سامح على شان الغلى واجمع الشمل
الله يغفر الذنب والله يروفي=حلمك علي يا سيد الحلم والعدل
اخطيت (يمكن)وش تفيد الحسوفي=قلبك كبير ويدفعك راقي الاصل
انت الغرام ومهجتي وانت شوفي=وانت الغلى والروح والحب والخل
تدري احبك مانت ناقص حلوفي=وادري معي ضحيت با القول والفعل
اخاف لامن ضعت ضاعت هنوفي=ويقال لك يا بنت ما طعتي العذل
وتشمت بنا العذال يا خوف خوفي=الفتنه اقسى يا الحبيبه من القتل
ومن عقب ماني باولات الصفوفي=اصير عند احبابنا مثل ابو جهل
وتضرب ورانا مزعجات الدفوفي=ومثل النعامه ندفن الراس با الرمل
وعقب الغلى نبدأ نحب الكتوفي=ومن عقب صاف الود نشرب من الحثل
يا شمس روحي لا يصيبك كسوفي=اللي يعقد الحبل ما يقطع الحبل
من تسكن الخفاق تعلم ظروفي=ومن تملك الوجدان بعده مهو سهل
تدرين بك عندي على الناس نوفي=ارضي علي تكفين يا قمة النبل

سلم قلبك لا هنت
الين انها طيبه من طيب
اللي يعقد الحبل مايحله
صح لسانك مره اخرى