يارنة القيثـار والعـود والنـاي=ياسلوتي في حاضري واغترابـي
يابهجتي لي عكـر الهـم دنيـاي=يافرحتي لي بيح الحـزن مابـي
يانور عيني ياصباحي وممسـاي=يابدر ليلي يا سكـون الروابـي
عشقي وصالك والتلاقي تمنـاي=ليتك تشرف بس لو عنـد بابـي
ذاك الذي ياهوي الروح منـواي=ولي جيتني ينزاح عنـي عذابـي
ادمنك انا حبـك ياكـل رجـواي=ياكل ذاتي ياحضرتـي ياجنابـي
لاتمنع الضامي عن منهل المـاي=ياكاس شربي ياحـلاوة شرابـي
ليتك علي طول الزمن دايم احذاي=واطل خدك يامهجتي كل مابـي
يارنة القيثـار والعـود والنـاي=ياسلوتي في حاضري واغترابـي