ياسيدي مقسم بربٍ عبدناه=المبدع اللي كملك في وصوفك
ان ماسكن بالقلب غيرك ولاجاه=وان المشاعر دون تدري ضيوفك
واني عزفت اسمك على نغمة الآه=من يوم قريت اللي رمت به حروفك
ياسيدى أمرك على شيء تبغاه=معذرك ومقدر صعوبة ظروفك
رغمٍ شوفك رغبة القلب ورضاه=يالغايب اللي حاضرٍاتٍ طيوفك
ان طالت الفرقى لك الود شلناه=وان عفتنا يصعب علينا نعوفك
تبقي عزيز ورغبة القلب ومناه=حتى ولو حال القدر دون شوفك
وأبقى على عهدٍ قديمٍ قطعنـاه=موفي بعهدي والسلامة تحوفك