احبتي اسعد الله اوقاتكم بكل خير اتمنى ان تنال القبول...
يالله يـامـولاي يــارب الاربـــاب=سبحانـك المعـبـود لاحــول لـيـه
امنـت بـك ياباعـثٍ خيـر الاحبـاب=محـمـد الـهـادي شفـيـع البـريـه
عليـه صلـى الله عـدد نجـم ماغـاب=وإعــداد مابـيـن ســلام وتحـيـه
مـن بعدهـا يـارب خايـف ومرتـاب=مـن شـر ماسويـت وسجـل علـيـه
يارب انا مخطي مـن الذنـب قـد تـاب=وارجـو العفـو والمغـفـره للخطـيـه
يـارب لـك رافـع يـديـه وطــلاب=لاتردنـي يــارب صـفـرى يـديـه
مالي سواك الا انـت.... ياخيـر تـواب=يـاعـالـم ٍ بالبـيـنـه والـخـفـيـه
يامقـدر اجــال المخالـيـق بكـتـاب=اطلـبـك لامنـهـا لفتـنـي المنـيـه
اكـون ساجـد لـك وبالجبهـه اتـراب=واكـون قـد صليـت صبـح وعشـيـه
واتكـون خاتمتـي واغسـل بالاطيـاب=وإيكـون بالـفـردوس مـنـزال لـيـه
ويـارب فـي دنيـاي ماكـون مغتـاب=ولاكـون تـبّـاع الــزرى والـرديـه
ولاكـون متكبـر ولاكــون كــذاب=ولاكـون خــوان ٍ ولاشـيـن نـيـه
ولاكون انا اللي قاطع ٍ وصـل الاقـراب=ولاكـون عاصـي نـاكـر الوالـديـه
ويـارب انـا طالبـك ولاظـن ماخـاب=مـن يطلبـك يـارب هــذي وذيــه
يـارب تعلـم مـن بهـا خافـقـي ذاب=وتعلـم مـن اللـي حبـهـا زاد فـيـه
حبيتهـا واالحـب متلـف للأعـصـاب=حبيتـهـا والـحـب بـلـوى قـويـه
يشكونـه الجهـال واصحـاب الالبـاب=مـن جيـل هـذا العصـر والجاهلـيـه
حبيتها ....والحب. ياتـي بـلا اسبـاب=وهذا ترى رايـي... ومخصـوص بيـه
قالو قديم اهل الهوى الحـب!! منصـاب=بـه داء بعيـونـه وراحــن سـويـه
واصبح يسير بدون وجهـه ولايهـاب!!=وياكـم رآآآآآآح بسبتـه مـن ضحـيـه
ياقلب. صبرك. والرجا... برب الاربـاب=الواحـد الـلـي عـالـم ٍ كــل نـيـه
الحب... اعمى...وسطوته... سطوة اعقاب=والحـب داء.... وصـاب كـل البريـه
تحيتي للجميع’’’