[صوت الإحساس]

السلام عليكم ورحمة الله وبركاته


مساااااكم كاااادي



للتواصل من جديد مع قلوبكم ومصافحتكم



وقبل ذلك أتقدم بالاعتذار للجميع عن غيابي



وان شاء الله ساكون قريبا



لكم قبلها ودي وتقديري

لو راس مال الشعر وزن وقافيـه = ما كان شعر حمَيد عن حامد فـرق
ما كان ياشعـري ونفسـي وافيـه = من زود فركي للجبين انزف عرق
كانت غفت عينك وعينـي غافيـه = وش له تجمّعنا مشاويـر الأرق؟؟؟
ليتك تريّحيني يـا مـال العافيـه = شف كيف حالي من سواياك اْحترق
الشعـر تركيبـة مشاعـر دافيـه = دمعه وطاااحت بي على خدّ الورق
أدري حـروف الأبجديـه كافيـه = وكلّ(ن) على ليلااه ياشعري طرق
البعض لامن قال جـات الشافيـه = يعني رمى رمحه وصوّب واخترق
والبعض ودّه مير جـتْ متجافيـه = والرمح لمّا صاب مـا كنّـه زرق
والّا اْنت بحر ومن يحب الطافيـه = لو غاص شاف الدّر في قاعك برق
واللّي لمس قاعك ورجلـه حافيـه = ماهو بمثل اللـي تحـدّاه الغـرق
جملـه ومسبووقـه بـلاء النافيـه = يمكن كذا شعري يمر ومـا فـرق