[النهج المختلف]

المشاركة الأصلية كتبت بواسطة داعي الشوق

يا نور عينى حياتى منك مخطوره = و الروح باسبابكم دايم معذبها
ما تلطف بخاطري وتقدر شعوره = النار في مهجتي شبت شبايبها
أشقيت حالي معك والحال معذوره = مدري متى نفسي تحقق مطالبها
عزاه يا قلبي اللي ضيّع سروره = و ايامي المحزنه سارت ركايبها
يا رحلة الغادي المتعومسٍ شوره = من رحلته مجهده و البعد تاعبها
في قفر قاحل خلا يبـّاس زهوره = حيضانه اللي بقت جفت مشاربها
ليله سرا والصبح ما بان له نوره = و النجمه البارقه الغيم حاجبها
راع الهوى حالته بالحب مقهوره = ترميه نفسه و يا مكبر عواقبها
احلامه الغاليه أضغاث مبتوره = و افراحه الغايبه الوقت سالبها
يازين انا حالتي والله مكسوره = كثرت غرابيلها و انته سبايبها
عذبت قلبي و قلبك غايبٍ دوره = عزي لعينٍ بكت فقدة حبايبها

الله الله
الله


الشاعر الرائع داعي الشوق صح السانك ، ،

قصيدة جزلة من شاعر جزل ومتمكن ، ،

شعور رائع يترجم احساس عذب وراقي ، ،

لاهنت ياشاعر والله يعطيك العافية على هذا الابداع ، ،

تحياتي وتقديري ، ،