في خبر نشرته الجزيره أبن حثلين .. مشعل رئيس مجلس قناة الصحراء والمالك الشرعي لها .. يتبرع براتب الفقيد / فريح العقيلي لأبنته مدى الحياه .. وجاءت هذه الكيبورديه ..!
يا هاجسي والشعر من باب الشعور =أ ليا ندبك الطيب للطيب أندبه
صفه من الشايب ومن بعض الأمور= وصبه على اللي يسمعك صب أذهبه
وخلك على باب الموده والحبور = واللي يجول بخاطر الوافي جبه
رده وسلم لي على واف الشبور = وأثن السلام ولو تقبل منكبه
ماهوب عيب ومن مواجيب السرور = اللي وهبه الله ولا يبغى هبه
مشعل ومشعل نور فوق النور نور= ذخر البطل يا مسهله يا مصعبه
قريت في صفحة مدارات العبور = في صفحة بيضاء لو اللون أشهبه
وصلة كرامة حاتم الرجل الغيور = ماهو حاتم طي حاتم منسبه
حاتم ذوي حثلين من ماض العصور = شبيه راكان البطل وانعم شبه
وفى وكفى وأبعدت عنه القصور = ولا هان مقصوده ولا ضاع أتعبه