[عرق الماس]

المشاركة الأصلية كتبت بواسطة داعي الشوق

شعور جميل لكل شاعر

عندما يجد القبول و ينال الاعجاب على كل ما يقدمه ،

و شعور أجمل عندما يتصل بك شخص لاتعرفه

و يبدي لك الاعجاب ،

من هذا المنطلق ظهرت هذه الابيات ،

جتني رساله على الماسنجر الهوتميل = من واحدٍ ضافني في وقت عصريه
ان كان تسمح نبا نستكمل التوصيل = وان كان ترفض ترا الاحوال عاديه
شفت الاسم شاقني ومجملٍ تجميل = والصوره المرفقه صوره غراميه
أعطيته موافقه مستعجله بالحيل = حيث ان نفسي بها شوق الهواويه
من بعدها ولعت اشارة التحميل = رحبت به يا هلا يا حي هالجيه
قالت انا معجبه ولا اعرف التمثيل = قصايدك تعجب الروح الشقاويه
حفظتها كلها مع جملة التفصيل = عنيت حالي و انا بنتٍ شقرديه
انا وصالي معك ما يحتمل تأجيل = ياليت نسمع لكم ابيات صوتيه
قلت الامر يالغلا يحتاج له تحليل = عندي سؤال طرا لو فيه عفويه
كيف استضفتي بنا و لقيتى الايميل = قالت لقيته بسلك العنكبوتيه
قلت الشرف زاد بي والمسأله تحصيل = يبقى لي اعجابكم صوره مثاليه
دام المعاني لقت مردود هذا الجيل = مردودها المعتبر متعلقٍ فيه
عندي لها منزله و مسجله تسجيل =كل القصايد رضت والنفس مرضيه

شاعرنا داعي الشوق,,

قصيدة مستوحاة من تواصل المسنجر جميلة,,

ياليت هذه المعجبة تعلمنا كيف يكون التهكير,,

تسلم يدك ياداعي,,أبدعت التصوير,,