[محمد بن عمار]

المشاركة الأصلية كتبت بواسطة الطائر المهاجر

بعد انقطاع لا ادري متى استمر ، اليكم هذه الكيبورديه
لعلها تصل إلى ذائقتكم

لا شفت لك شاعر يهايط فكبه = تراه مفلس من جميع النواحي
بياع هرج ولو تمادى بسبه = مايقدر ملاقاة اهل الرماحي
يطافش ببحر "النت" يجهل لغبّه= يحسبه وامن لا كتب للنضاحي
ولا من تغزل ما تفكر بربه = شعره مجونٍ في ذوات الوشاحي
كل ما يبي يطلع ولو فوق تبه= شعور نقصٍ داهمه باجتاحي
هالعينه ودك بعجرا تلبه = اما عطب وإلاّ رجع عقل صاحي
فالشعر ماهو من تساهل لعب به= الشعر مثل السيف وقت الصياحي
لا شاله اللي جاهلٍ في متبه = ان هو رجع سالم فكله جراحي
ما كل من قال الشعر زاد حبه= بعض الشعر يُنْقِص ولا به رباحي
ومن قال شعره شان يملا لعبه= ويساير التيار والإنبطاحي
فهذا حياته لو تشعلل مشبه= ياسرع ما تطفى بفعل الرياحي
فاختر من الاشعار ما زان صبه= له نكهة ما تنتهي بالرواحي
يبقى مع الأيام قصرٍ بقبه= يشوفها من تاه وقت الطياحي
يلقى بها ظل ودفئ ومحبه= ويلقى بها علم السعد والفلاحي

	السلام عليكم دكتورررررررررنا الفاضل صح لسانك وفكرك مدددد تحياتي لحضورك اللائق لاهان غاليك فديتك محمد بن عمار