حيـــــــــــاك ياللي عالياتٍ مبانيك = يا مرحبا و اهلين و الجو رايق
ياللي الحلا و الذوق متجمعٍ فيك = عليك تاج الزين و العز لايق
لا تحسب اني يا هوى البال ناسيك = لا والذي محصي جميع الخلايق
دايم على بالي واقدرك وأغليك = عندي على شوقي و حبي وثايق
نبض المودة و الغلا عند طاريك = كنك على بالي تطـــــل و توايق
و القلب لك خفاق باسمك يناديك = و العين تنطر شوفتك لو دقايق
حالي و روحي أمرها بين اياديك = من وين ما وجّـهت فيكم علايق
وضروف ذا الدنيــــــا علينا دواليك = يوم لنا و ايــــــــام تشعل حرايق
مدري متى تلطف على اللي يحاكيك = من زود حبك قال كل الحقايق